ٍNAILS | ألاظافر

مرحبا 

اظافري كانت دايما من النوع اللي يتكسر بسسرعه 

وما يمديها تطول الا تكسرت وانا ماتهنيت فيها 

فبديت اهتم فيها عشان تطول اسرع واقوى 

 وهذي الاشياء اللي اسويها وساعدتني كثيير

اول شئ هذي بعض الاشياء اللي تسوينها وتضعف اظافرك :

كثرة غسل اليد لأن بينشفها 

عدم الترطيب 

اكل الاظافر 

كثرة استخدام مزيل المناكير 

.

 من اليسار :

رقم واحد : زيت الزيتون

ممكن هو من اكثر الاشياء اللي ساعدني في اظافري

يرطبها ويقويها مرره وبعد يخليها تطول بسرعه 

طريقته : تحطينه بصحن مثل بالصوره و تحطين يدك فيه

المده ما تقل عن 10 دقايق 

وكل ما خليتيه اكثر كان احسسن 

او 

انك تاخذين علبة مناكير ما تبينها 

وتنظفين العلبه كويس بمزيل المناكير 

وتحطين بالعلبه زيت زيتون ويسير معك دايما ترطبين فيه 

اظافرك دايما كل يوم 

تحطين على كل ظفر شوي وتسوين زي المساج والتدليك  لكل اظفر

 طبعا سويتها .. بحطلكم اخر التدوينه فيديو تنظيف علبة المناكير

رقم اثنين : كريم اليد والاظافر باللوز من بودي شوب

هذا اكثر كريم احبه وكل ما يخلص اروح اخذ ثاني ت

ترطيبه مره كويس لليد والاظافر 

و ريحته جمييله جميله جدددا 

طبعا الترطيب جدا مهم ﻷظافرك عشان ما تنشف و تتكسر 

وتضعف .. انا هذا كريمي المفضل وانتي استخدمي اي كريم 

ترطيبه يناسبك وتشوفينه كويس ليدك واظافرك 

رقم ثلاثه : زيت اللوز للأظافر من بودي شوب

هذا الزيت تحطينه بس على الاظافر وبرضوا تدهنينه وزي المساج 

جمييل جدا يرطب الاظافر مره و ما يخلي حول الاظافر كذا جلد متشقق او كذا 

صراحه مدري ايش اسمه ههههه

بس ما احسسه من الاشياء اللي لازم تكون عندك  ومهمه

رقم اربعه : قصاصة الاظافر 

طبعا اذا اظافرك طويله ومتكسسره وضعيفه لازم تقصينها عشان 

تبدين تهتمين فيها من جديد وتطول وهي قويه 

لأن لو ما قصيتيها ما راح تسير كويسه و قويه فجأه من نفسها

.

رقم خمسه : مبرد الاظافر :

مبرد الاظافر من سيفورا احبه مرره واكثر نوع ارتحتله 

يجي جهه لونها اسود تبردين فيها اظافرك وتخلينها الشكل اللي تبين 

والجهه الثانيه لونها برتقالي عشان ترتبين بس وتنعمين الاطراف 

طبعا مهم انك تبردين اظافرك لأن مع الوقت اطراف اظافرك تضعف شوي 

فتسير ممكن تنكسر بسرعه او تنقطع نصين 

ان شاء الله فهمتوا ايش اقصد هههههه

ولمن تبردين الاطراف تكون اقوى فما تنكسر ولا شيء  

وبس هذا الاشياء اللي كنت استخدمها 

وكثير فادتني بأظافري الحمدلله 

وان شاء الله اكون افدتكم

-

بعض الفيديوهات اللي ممكن تفيدكم :

هذي طريقة تنظيف علبة المناكير عشان 
تحطين فيها زيت الزيتون او اي شي تبينه لأظافرك 

هذي الطريقه استخدمها البنت على يد وحده 

عشان تشوف النتيجه وسرعتها 

طبعا اكيد شفتوا بالفيديو فرق واااضح !!

استخدمته لمدة اسبوعين 

مرتين في الاسبوع 

الاشياء اللي استخدمتها

نص برتقاله 
وقطعة ثوم 
الطريقه : عصرت البرتقال وحطت معاه ثوم 
والافضل يكون الثوم مهروس بس هي بالفيديو قطعته عادي 
بس احسسن مهروس 
حطيت يدها فيه لمدة 15 دقيقه 
بعدها حطت يدها في زيت زيتون 
لمدة 10 دقايق
وبسس سوها مرتين في الاسبوع 

هذي تاخذ فتره على بال ما تطول 
طريقتها بس ان قصت اظافرها كلها وسارت تحط كل يوم زيت اللوز 
طبعا طبيعي مو حق بودي شوب 

+
 وبعد سمعت ان الحليب كويس تحطين يدك فيه 
يطول الاظافر ويقويها ويخليها بييضه 
بس ما جربت

اتمنى انكم حبيتوا التدوينه واكون افدتكم 

Review: L'Oreal True Match Foundation

مرحبا 

اليوم بتكلم عن تجربتي مع فاونديشن 

لوريال ترو ماتش 

اخذته بعد مدح الميك اب ارتست حنان النجاده 

قوامه سائل 

وتغطيته من خفيفه لمتوسطه

مناسب للطلعات اليوميه مو للمناسبات لأنه ما يثبت 

كثير  

بالنسبه لي حبيته مره مره مرره

لمن اوزعه ينشف بسرعه يسير تقريبا مثل الباودر

وما يعطيك مات لوك ولا ديوي 

لا بالوسط وطبيعي مرره ما كأني حاطه فاونديشن
وخفيف على البشره ما تحسين طبقه على وجهك

 يدهن شوي بسرعه بس ما كرهني فيه ابدا لأن بشكل خفيف مو مزعج

ولمن يدهن

احط باودر عشان يروح الدهن وبسس 

 مناسب اكثر للاستخدام اليومي

SPF17 فيه حمايه من الشمس 
بشرتي مختلطه وناسبني 

ودرجتي كانت مناسبتني تماما 

الدرجه موجوده بالصوره

اللي عندها اي سؤال تسأل 

وبس

اشوفكم بالبوست الجاي

CHANEL Loose Powder | شانيل لووس باودر

السلام عليكم ورحمة الله 

لووس باودر شانيل 

هي شفافه يعني ابدا ما تعطيك تغطيه و ممكن تشوفون فيها لون بيج بس

على البشره ما يبان ابداا تسير شفافه 

 وتستخدم لتثبيت الفاونديشن او الكونسيلر

..وعلبتها كبيره يعني تجلس معك فتره جدا طويله 

فيها نقط قلتر لو لمعه مدري بس مررره مو واضح انا قريب لاحظتها

!!تعطيك لوك مرره مطفي وما تخلي بشرتك تدهن ابداا صدق

واذا حطيتها على الكونسيلر تحت العين او على الفاونديشن كل وجهك

روحي وارجعي نفس ما كان ما راح يتغير ابداا

مره مره احبها بس ما استخدمها الا في المناسبات 

طريقة استخدامي :

احب احطها اكثر شي تحت العين عشان الكونسيلر يثبت وما يتحرك طوول الوقت

فأستخدم فرشة سينسي 

احط شوي على الفرشه واطبطبها على الغطا عشان 

تخف البودر وماتسير كثير بالفرشه 

بعدين ابدأ احطها تحت العين طبطبه او كذا بالضغط الخفيف

مو احركها لا لأن احنا نبي نثبته فنـضغط على المنطقه

واوقات ممكن استخدم فرشه اصغر بنفس الطريقه

واخر شي اشيل الزايد بالفان برش 

وهنا مسويه سواتش

على يدي ترا على اليمين انا دامجته 

واليسار قبل الدمج

شوفوا ابداا ما كأن في شي على اليمين 

لأنها شفافه وبتناسب كثير بشرات 

.سعرها ما اذكر كم بالضبط بس اتوقع 250 ريال 

اتمنى انكم حبيتوا الريفوا

❤ واكون افدتكم 

Day Care | يوم العناية ..

السلام عليكم

امس كان يوم متعب بالنسبه لي 

جلست ارتب غرفتي كلها

طلعت الملابس كلها ورتبتها من جديد لانها كانت مره محوسه

وطلعت الشننط والجزم والمكياجات وكريماتي وكل شي رجعت رتبته من جديد 

خلصت وانا تعباانه

واكثر شي احب اسويه لمن اكون تعبانه كذا

 ..........., او طفشانه , مكتئبة 

اخذ شور جميل طويل

Day Care  انا اسميه

بعده ارتاح واروق مرره 

_______

اول شي احب اسويه احط زيت بشعري واحط ماسك على وجهي

الزيت اللي بالصوره زيت سمسم طبيعي حلو حسيته ينعم الشعر ويلينه 

واخليه المده اللي ابيها عادي ماتفرق

Blue Corn والماسك من بودي شوب ينظف البشره تنظيف عميق مره جمميل اسمه 

اخليه 15 دقيقه على وجهي بعدين اغلسه

بعدين ادخل الشاور احب المويه تكون دافيه وابدا اغسسل شعري 

بشامبو ترزمي مرره احببه ماينشف الشعر ابد ولا يطيحه 

...وكل شي فيه جممييل .. اغسل شعري مرتين وبعدها ارفعه بربطه 

بعدها ابدا اقشرر جسمي بمقشر السكر وزيت الزيتون

بحركة دائرية على كل جسمي

بعد ما اخلص تقشير الجسم اغسسل جسمي بالمويه 

بعدين بالشاور جل من ديتول اللي بالصوره

مرره حللوو وانتي تغسلين جسمك يعطيك شعور انتعاش

كذا زي البرودة مره جمميل

بعد ما اغسسل جسمي احط بشعري من فاشكول 

بس ما اخليه يطول بشعري لأنه يطيح الشعر

الوقت اللي اكون حاطه فيه فاشكول بشعري

احب افرش اسناني واغسسل وجهي بغسول 

بعدها على طوول اغسسل شعري 

وكذذا نكون خلصنا شاور 

بعد هذا الشاور احب البس ملابس جددا مرييحه و وسييييعه 

نجي لترطيب الجسم

اكثر اثنين احبهم 

اول واحد من فكتوريا سيكريت استخدمه اذا حسيت ان مالي

نفسس ادهن جسمي وابي شي سريييع وريحته مرره جميلة

ثاني واحد زبدة الكاكاو من بالمرز استخدمته امس لأنه اثقل 

وترطيبه اكثثر وريحته شوكولت جميله وهذي الايام مررره حابته

قبل ما ارطب وجهي احب امسح 

وجهي بموية الورد

تخفف الدهون وتصفي البشره

ترطيب الوجه 

استخدم كريم من بودى شوب للبشره الدهنيه والمختطله

 لي فتره استخدمه ومره مرتاحه عليه

كريم لمنطقة تحت العين من غارنييه  ما حسيت انه فادني بس

استخدمه عشان ارطب منطقة تحت العين 

واخر شي مرطب الشفايف من بيسلين

مره ترطيبه حللوو

بالنسسبة لشعري استخدم سيروم من لوريال الاورنج

يخلي شعرك كذا هاجد مدري كيف اشرح

حتى يعطيه لمعه حلووه مره بالذات اذا استخدمتيه قبل الاستشوار

المهم احطه بشعري واظفرره 

احب اتعطر بعطر خفيف من باث اند بودي وركس 

بالفانيليا مره خفيف وريحته جمييله

اخر واجمل شي

النوووووووووووم

صدق بعد هذا كله يحلى النووم 

How I Remove My Makeup | طريقتي في ازالة المكياج ❤

السلام عليكم 

موضوعي اليوم عن طريقتي في ازالة المكياج

كل وحدة لها طريقتها الخاصه 

بالنسبة لي هذي الطريقة اللي مرتاحتلها واحبها 

واحسها تنظف صددق وتمسح كل المكياج 

اول شي ابدأ امسح وجهي بمناديل جونسون 

واركز اكثر شي على مكياج العيون بعدين الوجه 

جمييل مره من زمان استخدمه ولا مره جربت غيره ولا راح اجرب غيره 

 بعدها اغسسل وجهي بغسول من هملايا 

رغوي ومرره حلوو وخفيف على البشره 

واذا كان مكياجي ثقيل حق سهره 

  استخدم هذي الثلاث غسولات تكون اقوى شوي عشان تنظف البشره بشكل افضل

بعدها امسح وجهي بتونر من بودي شوب

واخر شي الترطيب

استخدم مرطب للبشره من بدي شوب للبشره الدهنية والمختلطة

ومرطب لمنطقة تحت العين من هملايا 

❤❤وبسس 

DIY : EYEBROW GEL ❤❤

 السسلام عليكم 

لي فتره وانا ودي بجل حواجب 

وعجبني جل الحواجب حق انستازيا بيفرلي هيلز 

وحق تارت بس مافيني حييل اطلب ابدد

فسرت اسوي هالطريقه جمييله وسهله مرره !!

اول شي 

: راح تحتاجين

قطرة انجلوت -

بودرة حواجب باللون اللي تبينه .. انا بستخدم لون مات من باليت اتش اند ام  -

 ولأن باقي شوي من بودرة بنيفت فـ بستخدمها

اي شي تقدرين تـفـتـفـتـين فيه الباودر -

واخر شي علبه تحطين فيها الجل -

ثاني شي

فتفتي البودرة بالعلبة كثر ماتبين وخلي البودرة نااعمه مره 

قد ماتقدرين خليها نااعمه 

ثالت شي 

حطي قطرتين من انجلوت واخلطيهم واذا حسيتي تحتاجين زيادة 

حطي .. بس اهم شي لا تكثرين عشان مايسير سائل

..في حال انه سار سايل زيدي البادور بسس

__________________________________________________

وبكذاا نكون خلصنااا 

مره جمييل مره وثاابت

والجميل انك تختارين درجة الباودر اللي تناسبك

❤ ❤ ❤