Day Care | يوم العناية ..

السلام عليكم

امس كان يوم متعب بالنسبه لي 

جلست ارتب غرفتي كلها

طلعت الملابس كلها ورتبتها من جديد لانها كانت مره محوسه

وطلعت الشننط والجزم والمكياجات وكريماتي وكل شي رجعت رتبته من جديد 

خلصت وانا تعباانه

واكثر شي احب اسويه لمن اكون تعبانه كذا

 ..........., او طفشانه , مكتئبة 

اخذ شور جميل طويل

Day Care  انا اسميه

بعده ارتاح واروق مرره 

_______

اول شي احب اسويه احط زيت بشعري واحط ماسك على وجهي

الزيت اللي بالصوره زيت سمسم طبيعي حلو حسيته ينعم الشعر ويلينه 

واخليه المده اللي ابيها عادي ماتفرق

Blue Corn والماسك من بودي شوب ينظف البشره تنظيف عميق مره جمميل اسمه 

اخليه 15 دقيقه على وجهي بعدين اغلسه

بعدين ادخل الشاور احب المويه تكون دافيه وابدا اغسسل شعري 

بشامبو ترزمي مرره احببه ماينشف الشعر ابد ولا يطيحه 

...وكل شي فيه جممييل .. اغسل شعري مرتين وبعدها ارفعه بربطه 

بعدها ابدا اقشرر جسمي بمقشر السكر وزيت الزيتون

بحركة دائرية على كل جسمي

بعد ما اخلص تقشير الجسم اغسسل جسمي بالمويه 

بعدين بالشاور جل من ديتول اللي بالصوره

مرره حللوو وانتي تغسلين جسمك يعطيك شعور انتعاش

كذا زي البرودة مره جمميل

بعد ما اغسسل جسمي احط بشعري من فاشكول 

بس ما اخليه يطول بشعري لأنه يطيح الشعر

الوقت اللي اكون حاطه فيه فاشكول بشعري

احب افرش اسناني واغسسل وجهي بغسول 

بعدها على طوول اغسسل شعري 

وكذذا نكون خلصنا شاور 

بعد هذا الشاور احب البس ملابس جددا مرييحه و وسييييعه 

نجي لترطيب الجسم

اكثر اثنين احبهم 

اول واحد من فكتوريا سيكريت استخدمه اذا حسيت ان مالي

نفسس ادهن جسمي وابي شي سريييع وريحته مرره جميلة

ثاني واحد زبدة الكاكاو من بالمرز استخدمته امس لأنه اثقل 

وترطيبه اكثثر وريحته شوكولت جميله وهذي الايام مررره حابته

قبل ما ارطب وجهي احب امسح 

وجهي بموية الورد

تخفف الدهون وتصفي البشره

ترطيب الوجه 

استخدم كريم من بودى شوب للبشره الدهنيه والمختطله

 لي فتره استخدمه ومره مرتاحه عليه

كريم لمنطقة تحت العين من غارنييه  ما حسيت انه فادني بس

استخدمه عشان ارطب منطقة تحت العين 

واخر شي مرطب الشفايف من بيسلين

مره ترطيبه حللوو

بالنسسبة لشعري استخدم سيروم من لوريال الاورنج

يخلي شعرك كذا هاجد مدري كيف اشرح

حتى يعطيه لمعه حلووه مره بالذات اذا استخدمتيه قبل الاستشوار

المهم احطه بشعري واظفرره 

احب اتعطر بعطر خفيف من باث اند بودي وركس 

بالفانيليا مره خفيف وريحته جمييله

اخر واجمل شي

النوووووووووووم

صدق بعد هذا كله يحلى النووم 

How I Remove My Makeup | طريقتي في ازالة المكياج ❤

السلام عليكم 

موضوعي اليوم عن طريقتي في ازالة المكياج

كل وحدة لها طريقتها الخاصه 

بالنسبة لي هذي الطريقة اللي مرتاحتلها واحبها 

واحسها تنظف صددق وتمسح كل المكياج 

اول شي ابدأ امسح وجهي بمناديل جونسون 

واركز اكثر شي على مكياج العيون بعدين الوجه 

جمييل مره من زمان استخدمه ولا مره جربت غيره ولا راح اجرب غيره 

 بعدها اغسسل وجهي بغسول من هملايا 

رغوي ومرره حلوو وخفيف على البشره 

واذا كان مكياجي ثقيل حق سهره 

  استخدم هذي الثلاث غسولات تكون اقوى شوي عشان تنظف البشره بشكل افضل

بعدها امسح وجهي بتونر من بودي شوب

واخر شي الترطيب

استخدم مرطب للبشره من بدي شوب للبشره الدهنية والمختلطة

ومرطب لمنطقة تحت العين من هملايا 

❤❤وبسس